სომხეთსა და ამერიკის შეერთებულ შტატებს შორის ყოვლისმომცველი სტრატეგიული პარტნიორობის ქარტია გაფორმდა. ხელმოწერის ცერემონია 26 მაისს ერევნის ზვარტნოცის საერთაშორისო აეროპორტში გაიმართა.

დოკუმენტს ხელი მოაწერეს სომხეთის საგარეო საქმეთა მინისტრმა არარატ მირზოიანმა და აშშ-ის სახელმწიფო მდივანმა მარკო რუბიომ. რუბიო ინდოეთიდან ვაშინგტონში დაბრუნებისას სამუშაო ვიზიტით ერევანში გაჩერდა — მასთან ერთად მეუღლე, ჟანეტ დუსდებეს რუბიოც ჩავიდა.

ქარტიასთან ერთად მხარეებმა ორი დამატებითი შეთანხმება გააფორმეს: ჩარჩო შეთანხმება „ტრამპის გზა საერთაშორისო მშვიდობისა და კეთილდღეობისთვის” (TRIPP) პროექტის ფარგლებში თანამშრომლობის შესახებ, აგრეთვე ურთიერთგაგების ჩარჩო მემორანდუმი სასარგებლო წიაღისეულის მოპოვებისა და განვითარების მიმართულებით.

ამ ნაბიჯით სომხეთ-ამერიკის ურთიერთობები ახალ, ოფიციალურ საფეხურზე გადადის — განსაკუთრებით მნიშვნელოვანია ეს ეკონომიკური ინტეგრაციის ნაწილი, კონკრეტულად TRIPP-ის ფარგლებში ბუნებრივი რესურსების ერთობლივი განვითარების პერსპექტივა.