სომხეთის 7 ივნისს ჩატარებულ საპარლამენტო არჩევნებში ნიკოლ ფაშინიანის მმართველმა პარტიამ „სამოქალაქო შეთანხმებამ” 50,72%-ით გაიმარჯვა. ეს სომხეთის პირველი საყოველთაო არჩევნებია 2023 წელს აზერბაიჯანისგან სამხედრო დამარცხების შემდეგ.

ცენტრალური საარჩევნო კომისიის საბოლოო მონაცემებით, მეორე ადგილზე 23,55%-ით დასრულდა მილიარდერ სამველ კარაპეტიანის პრორუსული ალიანსი „ძლიერი სომხეთი”. ყოფილი პრეზიდენტ რობერტ ქოჩარიანის ბლოკ „სომხეთს” 9,51% აქვს. ამომრჩეველთა აქტივობამ 58,97% შეადგინა.

ფაშინიანმა გვიან ღამს, ხმების ნახევარზე ნაკლების დათვლის შემდეგ, ჟურნალისტებს მიმართა და „ისტორიული გამარჯვება” გამოაცხადა. მისი განცხადება პრობლემურად მიიჩნია ოპოზიციამ — ქოჩარიანის ბლოკმა ამას „ცენტრალურ საარჩევნო კომისიაზე ზეწოლის მცდელობა” უწოდა.

პრორუსული „ძლიერი სომხეთის” ლიდერი სამველ კარაპეტიანი, რომელიც ამჟამად შინაპატიმრობაშია, არჩევნებს „სამარცხვინოდ” მოიხსენია და კომისიას ხმების შეჯამების პროცესის შეჩერებაში დაადანაშაულა.

საქართველოს პრემიერ-მინისტრმა ირაკლი კობახიძემ ღამის გასვლისთანავე X-ში გამოაქვეყნა მილოცვის ტექსტი: „გულწრფელად ვულოცავ სომხეთის პრემიერ-მინისტრ ნიკოლ ფაშინიანს არჩევნებში მისი პარტიის წარმატებას. მოუთმენლად ველი ჩვენი მჭიდრო თანამშრომლობის გაგრძელებას — საქართველოსა და სომხეთს შორის სტრატეგიული პარტნიორობისა და მეგობრული ურთიერთობების განსამტკიცებლად.”