„ადამიანს, რომელიც ამ პრემიას მიიღებს, არ სჭირდება წარდგენა. ის არა მხოლოდ გამოჩენილი პიროვნებაა, რომელმაც საკუთარი პროფესია პრაქტიკულად ხელახლა გამოიგონა და კოსმოსურ მასშტაბებში აიყვანა — ის ქალია, რომელსაც ჩემს გულში სრულიად განსაკუთრებული ადგილი უჭირავს.”

ამ სიტყვებით მიმართა ედუარდ შევარდნაძის შვილიშვილმა, სოფო შევარდნაძემ, „რუსული ციფრული დიპლომატიის” ჯილდოს დაჯილდოების ცერემონიაზე რუსეთის საგარეო საქმეთა სამინისტროს პრესსპიკერ მარია ზახაროვას.

ზახაროვამ სამადლობელ სიტყვაში შევარდნაძეს „ლავროვთან სელფის” ინიციატივა შეახსენა: „სოფიკო შევარდნაძე ცნობილი გახდა მას შემდეგ, რაც გადაიღო პირველი სელფი რუსეთის საგარეო საქმეთა მინისტრ სერგეი ლავროვთან ერთად. ამის შემდეგ ყველას სურს მასთან ზუსტად ასეთივე სელფის გადაღება.”

ჯილდო გადაეცა IRI-ის ინტერნეტ-კონტენტის ჯილდოვნების ფარგლებში, სპეციალურ კატეგორიაში „ძალა სიმართლეშია”.