Reuters-ი ადგილობრივ წყაროებზე დაყრდნობით იუწყება, რომ სამარის ოლქში, სიზრანში მდებარე „როსნეფტის” ნავთობგადამამუშავებელი ქარხნის ძირითადი ობიექტი — ნედლი ნავთობის გადამამუშავებელი სიმძლავრის 70% — უკრაინის დრონის დარტყმის შემდეგ გაჩერდა. სარემონტო სამუშაოები ერთ თვეზე მეტხანს შეიძლება გაგრძელდეს.

ოლქის გუბერნატორის ცნობით, შეტევისას ორი ადამიანი დაიღუპა. უკრაინა ამ ოლქში ნავთობის საწარმოს დამიზნებას ადასტურებს. 2024 წელს ქარხანამ 4,3 მილიონი ტონა ნედლი ნავთობი გადაამუშავა. „როსნეფტს” Reuters-ის კომენტარის მოთხოვნაზე ჯერჯერობით პასუხი არ გაუცია.