თბილისის მერიამ სიონის ტაძარში 1 220 000 ლარიანი სარეაბილიტაციო პროექტი გამართა. ამ ეტაპზე ტაძრის ირგვლივ სამშენებლო ხარაჩოების მოწყობა მიმდინარეობს.

არსებული მდგომარეობით, ტაძრის გადახურვა და სამრეკლო დაზიანებულია: ნალექი კედლებში შეაღწევს, ზიანს აყენებს მათ და საფრთხეს უქმნის ტაძრის ფრესკებს. პროექტის ფარგლებში ამ ნაწილებს სრული რეაბილიტაცია ჩაუტარდება.

სიონის ტაძარი და მისი სამრეკლო კულტურული მემკვიდრეობის სტატუსის მქონე ძეგლებია, ამიტომ სამუშაოებს თბილისის განვითარების ფონდი განახორციელებს — მერიის შესაბამის სამსახურთან კოორდინაციით.

მერიის ინფორმაციით, სამუშაოები 2026 წლის ოქტომბრის ბოლოს დასრულდება. პროექტის საერთო ღირებულება 1 220 000 ლარია.