ცნობილი რუსი მწვრთნელი იური სიომინი, ვინც ხვიჩა კვარაცხელია „ლოკომოტივ მოსკოვში” 18 წლისას მიიღო, „სპორტ-ექსპრესთან” ინტერვიუში ქართველ ვარსკვლავს კომპლიმენტებს არ აკლებს.

„დღეს ხვიჩა მარცხენა ფლანგზე პირველი ნომერია,” — განაცხადა სიომინმა. — „ევროპაში? — მსოფლიოში.”

ვინისიუსზე შედარებაზე კი სიომინი კატეგორიულია: „რა თქმა უნდა, ხვიჩა უკეთესია! ბრაზილიელისგან დაცვის დახმარებას ვერ მოელი. ხვიჩასთვის კი ეს კანონია.” მწვრთნელი ხაზს უსვამს, რომ სპალეტისა და ლუის ენრიკეს ქვეშ კვარაცხელიამ თამაშის ყველა ასპექტი — განსაკუთრებით უბურთოდ მუშაობა — კიდევ უფრო დახვეწა.

სიომინი ახსენებს ახალგაზრდა ხვიჩასაც, 18 წლისას: „176 სანტიმეტრი, 67-68 კილოგრამი — ჯერ კიდევ ბავშვი. მაგრამ ბურთით გასაოცრად მუშაობდა: სისწრაფე და მოტყუება — ეს იყო მისი მთავარი კოზირები. ასეთი უნარები რომ გააჩნია ფეხბურთელს, ის უეჭველად უნდა აიყვანო.”

ახლა კი კვარაცხელია 182 სანტიმეტრი და 75 კილოგრამის ათლეტია. სიომინის შეფასებით, ასეთ განვითარებას სწორი გარემოცვაც უწყობს ხელს: „მამა ყოფილი ფეხბურთელია, აგენტი ჭკვიანია და თავად ხვიჩაც სწორად აზროვნებს.”