საქართველოში კეთდება ორჯერ მეტი შუნტირების ოპერაცია, მედიცინა საქართველოში არის შავი ბიზნესი - ნიკა ვაშაყმაძე

საზოგადოება • 27 ივნისი 16:56

„საქართველოში კეთდება ორჯერ მეტი შუნტირების ოპერაცია. ყველგან ასეა დაახლოებით 10-ჯერ მეტი შემოდის კლინიკაში. სახელმწიფო იხდის დიდ თანხას. მედიცინა საქართველოში არის შავი ბიზნესი. სახელმწიფო ფულის გათეთრება მიდის.“ ამ სკანდალურ განცხადებას „შაბათის ფორმულასთან“ გერმანიის მოქალაქე, ცნობილი კარდიოქირურგი ნიკა ვაშაყმაძე აკეთებს, რომელიც ქუთაისში „დასავლეთ საქართველოს გულის ცენტრს“ 11 წელი ხელმძღვანელობდა. ცნობილი ექიმი კლინიკიდან უკვე გაათავისუფლეს. სამედიცინო დაწესებულება ოფიციალურ მიზეზად მის 3 გადაცდომას ასახელებს, თუმცა თავად ნიკა ვაშაყმაძე აცხადებს, რომ რეალური მიზეზი მის მიერ კლინიკაში არსებული ნეპოტიზმის წინააღმდეგ დაწყებული ბრძოლა გახდა.