აჭარაში, შუახევის მუნიციპალიტეტში, სახლის მეპატრონეებმა 112-ს დაურეკეს და აცნობეს, რომ სახლში დათვის ბელი შეიპარა.

ადგილზე გამოძახებულმა მეხანძრე-მაშველებმა პატარა სტუმარი უვნებლად გამოიყვანეს, ადგილზე გამოკვებეს და შემდეგ გარემოს ეროვნული სააგენტოს შესაბამის სამსახურს გადასცეს — ბელი პროფესიონალთა მეთვალყურეობის ქვეშ გადაყვანეს.

საგანგებო სიტუაციების მართვის სამსახურმა ოპერაცია წარმატებულად შეაფასა.