საქართველოს რაგბის ყოფილმა კაპიტანმა მერაბ შარიქაძემ Daily Mail-ს მისი 11-წლიანი დისკვალიფიკაციის ამბავი გაუზიარა.

„ეს მარიხუანის გამო მოხდა,” — ამბობს შარიქაძე. მისი თქმით, ის დაეხმარა გუნდელს — ამ ადამიანს სხვისი შარდის ნიმუში ჩაეყენებინა ნარკოტესტის დროს. „ვინც დავეხმარე, იმან გამოძიებაში ჩვენება მისცა და განრიდება მიიღო. მე კი ვერ ვისარგებლე ამ შესაძლებლობით.”

შარიქაძე ხაზს უსვამს, რომ ამ ქმედებით არავითარი ფინანსური სარგებელი არ მიუღია.

ამავე საქმეში სხვა ქართველ მოთამაშეებსაც დაეკისრათ სასჯელი: ლომიძეს — 9 თვე, მოდებაძეს, ლაშხს და ხმალაძეს — 3 წელი, ჩხოიძეს — 6 წელი, შამათავას — 9 წელი.