ზუგდიდელი აქტივისტი შალვა ესართია, რომელიც ადმინისტრაციული სამართალდარღვევის, სავარაუდოდ, „განმეორებითი“ ჩადენისთვის იყო გასამართლებული, საპროცესო შეთანხმებით გაათავისუფლეს.ესართია, რომელიც ზუგდიდში 2024 წელს დაწყებული უწყვეტი საპროტესტო აქციების მონაწილე იყო, 18 ივნისს გაათავისუფლეს. ონლაინ გამოცემა „პუბლიკა“ იტყობინება მის ადვოკატზე დაყრდნობით, რომ აქტივისტს სამთვიანი პატიმრობა ჰქონდა შეფარდებული, რომელიც მან სრულად მოიხადა.  მას ასევე ერთწლიანი პირობითი მსჯავრი შეეფარდა.შალვა ესართია პოლიციელისადმი დაუმორჩილებლობის მუხლით მესამედ 2026 წლის 17 მარტს დააკავეს. პირველად – 2025 წლის იანვარში, ხოლო მეორედ – 2025 წლის დეკემბერში დააკავეს. მესამედ დაკავების შემდეგ, მას დანაშაულის განმეორებით ჩადენისთვის სისხლის სამართლის წესით წარუდგინეს ბრალი.