შიდა ქართლში — კერძოდ, გორისა და კასპის მუნიციპალიტეტებში — ძლიერი წვიმა და სეტყვა დაიფრქვა. ამის შესახებ ინფორმაცია სოციალური ქსელებიდან ვრცელდება.

ქალაქ გორში და მიმდებარე სოფლებში — კავთისხევში, ხიდისთავში, ზემო ხანდაკში, ქვახვრელსა და სხვა დასახლებებში — მოქალაქეები ფოტო-ვიდეო მასალებს აქვეყნებენ.

„გააფუჭა ყველაფერი — წელს დარჩებით ცარიელნი,” — სოციალურ ქსელში წერს სოფელ კავთისხევის ერთ-ერთი მკვიდრი.

სეტყვის ზიანი ვენახებს, სასოფლო-სამეურნეო სავარგულებსა და სხვა კულტურებს მიადგა. ადრე ანალოგიური ამინდის მოვლენებმა ახმეტის მუნიციპალიტეტიც სერიოზულად დაზარალა.