საქსტატის ინფორმაციით, 2026 წლის ივნისში წინა თვესთან შედარებით ინფლაციის დონემ საქართველოში 0.1 პროცენტი, ხოლო წლიური ინფლაციის დონემ 5.8% შეადგინა.

საქსტატის ინფორმაციით, სურსათი და უალკოჰოლო სასმელებზე ფასი 5.6 პროცენტით გაიზარდა. ფასები მომატებულია ქვეჯგუფებზე:

თევზეული — 20.4%;

ხორცი და ხორცის პროდუქტები — 9.8%;

ხილი და ყურძენი — 8.7%;

პური და პურპროდუქტები — 6.6%

შაქარი, ჯემი და სხვა ტკბილეული — 5.5%

ზეთი და ცხიმი — 5.5%;

ყავა, ჩაი და კაკაო — 4.2%;

წყალი, უალკოჰოლო სასმელები და ნატურალური წვენები — 1.8 %;

რძე, ყველი და კვერცხი — 1.8%;

ბოსტნეული და ბაღჩეული — 0.4%.

რაც შეეხება ტრანსპორტის ფასს, ის 16.5%-ით გაიზარდა.

“ფასები მომატებულია პირადი სატრანსპორტო საშუალებების ექსპლუატაციაზე (24.0 პროცენტი) და სატრანსპორტო მომსახურებაზე (11.8 პროცენტი)” — წერს საქსტატი.

ფასები ასევე მომატებულია სახლზე, წყალზე, ელ.ენერგიაზე და ბუნებრივ აირზე 7.2 პროცენტით:

ელექტროენერგია, აირი და სათბობის სხვა სახეები — 10.1%;

საცხოვრებლის მიმდინარე მოვლა და შეკეთება — 6.8%;

ფაქტიური გადასახადი საცხოვრებელზე — 5.4%.

ფასები ასევე გაიზარდა ჯანმრთელობის დაცვაზე 4.7%-ით — სამედიცინო პროდუქცია, აპარატურა და მოწყობილობა (7.5%) და ამბულატორიული სამედიცინო მომსახურება (3.0%).