განათლების სამინისტროს დაქვემდებარებული უწყება ახალ სახელმწიფო შესყიდვას ამართლებს „განათლების სისტემაში თანასწორობის, დისციპლინისა და ერთიანი სასკოლო გარემოს” უზრუნველყოფით, ასევე „მოსწავლეებს შორის სოციალური განსხვავებების შემცირებით”.

სამეტაპიანი გრაფიკი

თავდაპირველად ფორმების შეძენა ორ ეტაპად გეგმავდა: 30% — 31 ივლისამდე, 70% — 20 აგვისტომდე. ახლა სქემა სამ ეტაპად გაიშალა:

• I ეტაპი (15 ივნისი–25 აგვისტო): 301 000 ფორმა
• II ეტაპი (15 ოქტომბრამდე): 600 000 ფორმა
• III ეტაპი (30 ნოემბრამდე): 900 000 ფორმა

სულ — 1 801 000 ფორმა. ვადების გახანგრძლივება ბიუჯეტის ზრდასთან ერთად ხდება.

ვინ ატარებს ფორმას?

„ქართული ოცნების” განათლების რეფორმის ნაწილი — სასკოლო ფორმა სავალდებულოა პირველიდან მეექვსე კლასის ჩათვლით. ფორმის სავალდებულოდ ქცევა ბოლო თვეებში საზოგადოებაში დავის საგანი გახდა — კრიტიკოსები სოციალური სიმბოლიკის, კერძო სკოლებისა და ოჯახის არჩევანის საკითხებს აჩენდნენ.