„მედია ჩეკერმა” კომუნიკაციების კომისიის ოფიციალური მონაცემები გაანალიზა: 2026 წლის I კვარტალში ქართველი ტელემაუწყებლები კომერციული სარეკლამო შემოსავლებიდან სულ 25.6 მილიონი ლარი მიიღეს — 2025 წლის ანალოგიურ პერიოდთან შედარებით 72.7%-ით მეტი.

ამ თანხის სამ მეოთხედზე მეტი — 20.6 მლნ ლარი — სამ სახელისუფლებო ტელეარხზე მოდის: „იმედი” — 10.8 მლნ ლარი, „რუსთავი 2” — 7.9 მლნ, POSTV — 1.9 მლნ.

„იმედის” ყველაზე მსხვილ სარეკლამო დამკვეთებს შორის „მედია ჩეკერი” ასახელებს კომპანია „მეამას”, სამშენებლო ფირმა „ანაგის” და „ავენიუ ბაი ორბის” — თითოეულმა 500 000 ლარზე მეტი დახარჯა.

ხელისუფლებისადმი კრიტიკულ ტელეარხებს კი ამ ფონზე გაცილებით მეტია: „პირველი” — 1.26 მლნ ლარი, „ფორმულა” — 978 200 ლარი.

სარეკლამო ბაზრის ასეთი კონცენტრაცია ემთხვევა 2025 წელს „მაუწყებლობის შესახებ” კანონში შეტანილ ცვლილებებს, რომლის თანახმად, ქართველ მაუწყებლებს ეკრძალებათ უცხოური დაფინანსება, გარდა კომერციული ტრანზაქციებისა.