19 მაისს ევროპის საბჭომ გამოაქვეყნა „ევროპაში ციხეებისა და პატიმრების შესახებ გამოკვლევა 2025”, რომელშიც ნათქვამია: საქართველოში 100 ათას მოსახლეზე 232 პატიმარი მოდის — ეს ევროსაბჭოს 46 ქვეყნიდან მე-4 ყველაზე მაღალი მაჩვენებელია. წინ მხოლოდ თურქეთი (458), აზერბაიჯანი (271) და მოლდოვა (245) არიან. ანგარიში ამ ტენდენციას „პატიმრობისკენ მიმართულ სასჯელის კულტურად” ახასიათებს.

შედარებისთვის: ევროსაბჭოს ქვეყნებში საშუალო მაჩვენებელი 127-ია, ხოლო დასავლეთ ევროპა კვლავ ბევრად დაბალ ნიშნულზე — ნორვეგია 54, ნიდერლანდი 55, გერმანია 69 — ინარჩუნებს.

ანგარიში ასევე ასახელებს, რომ ციხეში ერთ თანამშრომელზე პატიმრების რაოდენობით საქართველო „ძალიან მაღალი” მაჩვენებლის მქონე ქვეყნების ჯგუფშია, ხოლო 50 წელზე უფროსი ასაკის პატიმრების პროცენტულობა — „მაღალი”. პატიმრების საშუალო ასაკი 39 წელია.