მოლდოვაში მიმდინარე დევისის თასის ევროპის ზონის III ჯგუფის B სექციაში 11 ივნისს საქართველოს ნაკრებმა მეორე ტური მასპინძელი მოლდოვის გუნდის წინააღმდეგ ჩაატარა — 0:3-ით დამარცხდა.

შედეგები: ალექსანდრე ბაკში — ილია სნიტარი 2:6, 0:6; საბა ფურცელაძე — რადუ ალბოტი 4:6, 6:3, 1:6; ნიკა ბიძინაშვილი / ალექსანდრე შვანგირაძე — მატიას ბრაური / ილია სნიტარი 2:6, 1:6.

ჯგუფური სათამაშოს B ჯგუფის მდგომარეობა ორი ტურის შემდეგ: მოლდოვა — 2 გამარჯვება, ჩრდილოეთი მაკედონია — 1 გამარჯვება / 1 მარცხი, საქართველო — 1 გამარჯვება / 1 მარცხი, კოსოვო — 2 მარცხი.

12 ივნისს მესამე, გადამწყვეტ ტურში საქართველო ჩრდილოეთ მაკედონიას დაუპირისპირდება. გამარჯვების შემთხვევაში, ქართული ნაკრები ჯგუფში მეორე ადგილს დაიკავებს და A ჯგუფის მეორეადგილოსანს — სავარაუდოდ, ირლანდიას ან მონტენეგროს — შეეჯახება პლეი-ოფში.

საქართველოს ნაკრებს (კაპიტანი: დავით კვერნაძე) ჯერ შანსი რჩება.