2026 წლის 20 მაისს საქართველოს საპატრიარქოს რეზიდენციის ეზოში ავტომანქანით შეჭრილ როსტომ მაზმიშვილს სასამართლომ აღკვეთის ღონისძიების სახით პატიმრობა შეეფარდა.

პროკურატურის ცნობით, მაზმიშვილი „რელიგიური შეუწყნარებლობის” მოტივით მოქმედებდა. მან დააზიანა შლაგბაუმი, შესასვლელი კარი და ეზოში მდგომი ავტომანქანა, ასევე ეზოში მყოფ პირებს ძალადობით ემუქრებოდა. დაზარალებულებს 9 350 ლარის მატერიალური ზიანი მიადგათ. მაზმიშვილს ბრალი დაედო „სხვის ნივთის დაზიანების” (187-ე მუხ.) და „ხულიგნობის” (239-ე მუხ.) მუხლებით — სასჯელი 7 წლამდე თავისუფლების აღკვეთაა.

სასამართლო სხდომაზე ბრალდებულმა ჯერ დაცვაზე უარი განაცხადა — „არ მჭირდება ინტერესების დაცვა, მე მინდა მარტო ვიყო,” — თქვა მან. შეს ვენების შემდეგ გადახედა გადაწყვეტილებას და ადვოკატ ილია ნაცვლიშვილის დაცვაზე დათანხმდა.

სხდომაზე მაზმიშვილმა მოქმედების მიზეზზეც ილაპარაკა: „სამი წლის განმავლობაში ვცდილობდი პატრიარქთან შეხვედრას — ნომერი დავტოვე, სამებაში ჩვენ ვიყავი, დაცვას ვთხოვე, საპატრიარქოში მივედი. პასუხი ვერ მივიღე.” მოსამართლემ სიტყვა შეაწყვეტინა — გამოძიების ეტაპზე ის დუმილის უფლებით სარგებლობდა.

გამოძიების ფარგლებში ბრალდებულის მიმართ ფსიქიატრიული ექსპერტიზა დაინიშნა.