საქართველოს ეროვნული ნაკრების მთავარი მწვრთნელი ვილი სანიოლი სარომინეთო ამხანაგური მატჩის შემდეგ პრეს-კონფერენციაზე ასე შეაჯამა ნახული:

„ვფიქრობ, მარტთან შედარებით ძალიან დიდი პროგრესი გვქონდა — როგორც ხარისხის, ისე ინტენსივობის კუთხით. ფეხბურთელებმა ძალიან საინტერესო მატჩი ჩაატარეს. მთელი კვირის განმავლობაში ისინი პროფესიონალურად მუშაობდნენ. ახალმა ფეხბურთელებმა ახალი ენერგია და სული შემოიტანეს.”

სანიოლი განსაკუთრებით კმაყოფილია ირაკლი ეგოიანის ნაკრებში ჩართვით: „დიდი ხანია ვაკვირდებოდით, თუმცა გვინდოდა, ჯერ სრულფასოვანი სეზონი ჩაეტარებინა. მან ეს საუკეთესოდ გააკეთა. დღეს კი, მოედანზე რომ შევიდა, შეგრძნება იყო, თითქოს უკვე ერთი-ორი წელია ამ გუნდში თამაშობს.”

მწვრთნელმა ასევე ისაუბრა ცენტრალური მცველების საკითხზე: „კაშიასთან ყოველთვის ვიცოდი, რომ მისი თამაში თითქმის ყოველ ჯერზე უმაღლეს დონეზე იქნებოდა. ამასვე ველოდები ახალი ცენტრალური მცველებისგანაც — ამისთვის სჭირდებათ კარგ კლუბში, კვირიდან კვირამდე, მაღალ დონეზე თამაში.”

ეროვნული ნაკრების შემდეგი მატჩი 5 ივნისს, სახლში ბაჰრეინთანაა.