„ქართული ოცნების” პარლამენტის წევრმა, ყოფილმა კალათბურთელმა ვიქტორ სანიკიძემ 2026 წლის 13 თებერვალს ქონებრივი დეკლარაცია წარადგინა. დოკუმენტის მიხედვით, მის საკუთრებაშია Rolex-ის საათები, მამისგან ნაჩუქარი საცხოვრებელი სახლი და მანქანა, ასევე ევროპულ ბანკში გახსნილი ანაბარი.

დეკლარაციის მიხედვით, სანიკიძის უძრავი ქონება მოიცავს:

• 175,26 კვ.მ საცხოვრებელ სახლს თბილისში (მამისგან ჩუქებით);
• 198,41 კვ.მ საცხოვრებელი სახლის 50%-ს (მემკვიდრეობა);
• 14,21 კვ.მ ავტოფარეხს თბილისში (მამისგან ჩუქებით);
• 16,78 კვ.მ ავტოფარეხის 50%-ს (მემკვიდრეობა);
• 820 კვ.მ მიწის ნაკვეთს სოფელ კოტორაანთკარში (მემკვიდრეობა);
• თბილისში 26 994 კვ.მ სასოფლო-სამეურნეო მიწის 1%-ს (მემკვიდრეობა).

გარდა ამისა, მეუღლის სახელზე დეკლარირებულია 218,94 კვ.მ ბინა თბილისში, რომელიც 2003 წელს 1 041 200 ლარად შეიძინა.