საბერძნეთში 40 წლის ქართველი მოქალაქე ბერძენი ქალის მკვლელობის ბრალდებით დააკავეს. ბერძნული მედიის ცნობით, კაცმა ქალი ავტოსტოპით ავტომობილში ჩასვა, მგზავრობისას კი ცივი იარაღით სასიკვდილო დაზიანება მიაყენა. სისხლიანი ტანსაცმელი ნაგვში გადაყარა.

პოლიციამ ის მალევე დააკავა. ქართველი კაცი თავდაპირველად საქმესთან კავშირს უარყოფდა, მოგვიანებით კი დანაშაული აღიარა და რამდენიმე მოტივი დაასახელა.

გამომძიებელმა მკვლელობისთვის გამოყენებული დანა ავტომობილის უკანა სავარძელზე აღმოაჩინა. სამედიცინო შემოწმებისას დაკავებულს ხელებზე ნაკაწრები და სისხლის ლაქები ეტყობოდა. ჩხრეკისას 1 505 ევრო იქნა ნაპოვნი.

40 წლის კაცს ბრალი ოთხი მუხლით აქვს წაყენებული: განზრახ მკვლელობა, ყაჩაღობა, იარაღის ტარება და სხვისი ქონების უკანონო მითვისება.