საქართველოს 19-წლამდე ნაკრები 3 ივნისს, 19:00 საათზე, თბილისში დავით პეტრიაშვილის სახელობის სტადიონზე ევროჩემპიონატის A ლიგის საკვალიფიკაციო ციკლის პირველ მატჩს — მონტენეგროს წინააღმდეგ — გამართავს. დასწრება თავისუფალია, პირდაპირ ტრანსლაციას სფფ-ის YouTube-არხი შემოგთავაზებს.

ჯგუფის შემდეგი მატჩები: 6 ივნისს ისლანდია მონტენეგროს შეხვდება, 9 ივნისს კი საქართველო ისლანდიასთან ჩაება. ახალი ფორმატით, საკვალიფიკაციო ეტაპი სამრაუნდიანია — ფინალურ ეტაპზე 7 ჯგუფის გამარჯვებული გუნდი მოხვდება, მასპინძელ ქვეყანასთან ერთად.

21-წლამდე ნაკრები კი ბულგარეთში, ბლაგოევგრადში, ორ ამხანაგურ მატჩს ჩაატარებს: 5 ივნისს — აშშ-ს წინააღმდეგ „ჰრისტო ბოტევის” სტადიონზე, 9 ივნისს კი — მოლდოვას წინააღმდეგ, ნისპორენში. რამაზ სვანაძის გუნდს ტრავმის გამო ვერ დაეხმარება „უოტფორდის” შემტევი ნიკოლოზ ჩიქოვანი; მის ნაცვლად შემადგენლობაში საბა ზოიძე ჩაირიცხა.