მსოფლიო ჩემპიონატის 1/16-ფინალში საფრანგეთმა შვედეთი 3:0 დაამარცხა.

პირველ ოც წუთში ფრთხილი თამაში იყო, რის შემდეგაც ფრანგები შტურმზე გადავიდნენ, მომენტები შექმნეს და შედეგსაც მიაღწიეს: ბარკოლამ მიზანს ვერ უწია, მბაპეს გოლი თამაშგარეს გამო არ ჩაითვალა, მბაპემ ბურთი ძელს გაარტყა, ოლისეს ულამაზესი მაკრატელაც ძელს მოხვდა, ოლისეს დარტყმული მეკარე ვიდელმა მოიგერია, პირველი ტაიმის დასასრულს კი მბაპემ გაიტანა. 

შესვენების შემდეგ ცალკარა თამაში გაგრძელდა: ბარკოლამ გაიტანა, მბაპემ დუბლი შეასრულა და დეშამის გუნდმა დამაჯერებელი გამარჯვება მოიპოვა.

საფრანგეთი 4 ივლისს, 1/8-ფინალში, პარაგვაის დაუპირისპირდება. 

ისტ რატერფორდი. „მეტლაიფ სთედიუმი“

საფრანგეთი - შვედეთი 3:0

გოლები: 1:0 მბაპე (45), 2:0 ბარკოლა (53), 3:0 მბაპე (74)

• მბაპეს ანგარიშზე მსოფლიო ჩემპიონატებზე 18 გოლია - მეტი მხოლოდ მესის აქვს გატანილი (19). 

• მბაპემ მიმდინარე ტურნირზე მეექვსე გოლი გაიტანა და მესის დაეწია.

• მბაპე საგოლე მოქმედებებით (6 გოლი + 2 საგოლე პასი) მიმდინარე მუნდიალის ლიდერია.

• დემბელეს ანგარიშზე უკვე 6 საგოლე მოქმედებაა (4+2).

• ოლისემ ტურნირზე მეოთხე საგოლე გადაცემა გააკეთა - მის ანგარიშზე წელს ეროვნულ გუნდსა და „ბაიერნში“ 31 საგოლე პასია. 

თეგები:

საფრანგეთის ნაკრები

შვედეთის ნაკრები

გაზიარება:

(0) /

(0)