საქართველოს ყოფილმა პრეზიდენტმა მიხეილ სააკაშვილმა თბილისის საქალაქო სასამართლოში მიმდინარე პროცესზე ოპოზიციის ნაწილს „ლუზერის ფსიქოლოგია” შეასაყვედრა. „სამწუხაროდ, ვინც მე მაკრიტიკებს, ჩამოუყალიბდათ ლუზერის ფსიქოლოგია — რომ არაფერი გვეშველება. ჩვენ კი გამარჯვებულის ფსიქოლოგია უნდა გვქონდეს,” — განაცხადა მან.

სააკაშვილმა შევარდნაძის ეპოქასთან პარალელი გავლო: „მაშინ გოგი თოფაძე ამბობდა, შევარდნაძე ყოველთვის იქნებო. დღეს ხალხი ამბობს, ეს რეჟიმი ისედაც იქნებაო — ამიტომ ოპოზიციის ნაწილი ჩემი ოპოზიციის როლს ასრულებს, ივანიშვილის ოპოზიციის ნაცვლად.”

სააკაშვილი ხაზს უსვამს, რომ გისოსებს მიღმა ყოფნის გამო ვერ ახდენს სათანადო გავლენას, თუმცა ოპტიმისტურ განწყობას ინარჩუნებს. „თუ სახალხო ერთიანობა იქნება, მე ჩემს წვლილს შევიტან და ამ რეჟიმს დავამარცხებთ. ჩვენი ამოცანა მარტივია — საშუალება არ მივცეთ, მთელი ქვეყანა ივანიშვილის ბანდის სახელმსახლოში გადაიქცეს,” — განაცხადა მან.

სასამართლო პროცესის დასასრულს სააკაშვილმა ყველა პოლიტპატიმარს გამარჯვება მიულოცა.