„კოალიცია ცვლილებისთვის” ლიდერი ზურაბ „გირჩი” ჯაფარიძე ამბობს, რომ სასამართლო სხდომაზე მიხეილ სააკაშვილი ფიზიკური ძალით გაიყვანეს.

სხდომაზე, სადაც ე.წ. საბოტაჟის საქმეზე 8 ბრალდებული პოლიტიკოსის საქმეს განიხილავდნენ, ხმაური ატყდა. ჯაფარიძის განცხადებით:

„დასაწყისში ადვოკატებმა მოითხოვეს, სააკაშვილისთვის სიტყვის მიმართვის საშუალება მიეცათ. მოსამართლემ თქვა, ეს უფლება სააკაშვილის მხარეს უკვე გამოყენებული ჰქონდაო — რას ვერ გაიხსენა ვერავინ. ბოლოს ადვოკატმა ითხოვა, ადამიანი რუსთავიდან მოიყვანეს, რამდენიმე საათი გზაში გაატარა, საათ-ნახევარი სხდომაზე იჯდა — იქნებ მოსამართლეს მიეცა 5 ან 10 წუთი სიტყვის გასაკეთებლად. მოსამართლემ სწრაფ-სწრაფად დახურა სხდომა.”

შემდეგ, ჯაფარიძის სიტყვებით, „პატარა შეხლა-შემოხლა” მოხდა სააკაშვილსა და სამსახურს შორის: „შეხლა-შემოხლაც არ ჰქვია — იძულებით გაიყვანეს სააკაშვილი, ფიზიკურად მოკიდეს ხელი”.

სხდომა დახურულ კარს მიღმა მიმდინარეობდა. ჯაფარიძის განცხადება მედიასთან ჩაიწერა სხდომის შემდეგ.