რუსეთმა 24 მაისს გვიან ღამით უკრაინაზე 600 დრონითა და 90 რაკეტით მასშტაბური საჰაერო იერიში მიიტანა. შეტევისას პირველად ახალ ეტაპზე გამოიყენეს „ორეშნიკი” — საშუალო რადიუსის ბალისტიკური რაკეტა.

პრეზიდენტ ვოლოდიმირ ზელენსკის განცხადებით, მთავარი სამიზნე დედაქალაქი კიევი იყო. ქვეყნის მასშტაბით სულ მცირე 4 ადამიანი დაიღუპა, 100 — დაშავდა, კიევში კი 30 საცხოვრებელი სახლი დაზიანდა. ზელენსკიმ ხაზი გაუსვა, რომ ბოლო სიცხეების ფონზე რუსეთმა მიზანმიმართულად დაარტყა წყალმომარაგების სისტემებს.

„ორეშნიკის” გარდა, ბომბდამშენებმა გამოიყენეს: 2 „კინჟალის” ტიპის აერობალისტიკური რაკეტა, 3 „ცირკონი”, 30 „ისკანდერ-მ”-ის ბალისტიკური რაკეტა და 54 „ისკანდერ-კ”-ის ფრთოსანი რაკეტა.

უკრაინის თავდაცვის ძალებმა 690 სამიზნიდან 604 მოახერხეს გაანადგურეს: 55 რაკეტა და 549 საბრძოლო დრონი ჩამოაგდეს.

შეახსენებთ — „ორეშნიკი” უკრაინაში პირველად 2024 წლის ნოემბერში გამოიყენეს, დნიპროზე შეტევისას. ამ წლის იანვარსა და ახლა, მაისში, ეს ბალისტიკური რაკეტა კვლავ ბრძოლის ველზე გამოჩნდა.