10 ივნისს ღამის განმავლობაში რუსეთმა უკრაინაზე 207 საჰაერო სამიზნე გაუშვა. უკრაინის საჰაერო ძალების ინფორმაციით, დილის რვა საათისთვის 181 დრონი მოიგერიეს, 21-მა კი პირდაპირ დაარტყა 14 ლოკაციაზე.

ხარკოვის მერ იჰორ ტერეხოვის ცნობით, დრონებით შეტევის შედეგად სულ მცირე ხუთი მშვიდობიანი მოქალაქე დაიჭრა; სახლებია დაზიანებული. ოდესაში ორ საცხოვრებელ კორპუსში ორი ბინა განადგურდა, სამი ადამიანი დაიჭრა — მათ შორის ორი ბავშვი.

ზაპოროჟიეს სამხედრო ადმინისტრაციის მონაცემებით, გასული 24 საათის განმავლობაში 46 დასახლებულ პუნქტზე შეტევა იყო. ათი ადამიანი დაიჭრა, ათეულობით სახლი და ინფრასტრუქტურის ობიექტი დაზიანდა.