რუსეთი სომხეთიდან კურკოვანი ხილისა და ყურძნის იმპორტზე დროებით შეზღუდვებს აწესებს. შესაბამისი გადაწყვეტილება „როსელხოზნადზორმა” — ფედერალურმა ვეტერინარული და ფიტოსანიტარიული ზედამხედველობის სამსახურმა — მიიღო.

სამსახურის განმარტებით, ბოლო პერიოდში სომხეთიდან მიწოდებისას დარღვევების შემთხვევებმა იმატა, რის გამოც 3 ივნისიდან დროებითი შეზღუდვები ამოქმედდება.

კრძალვა ეხება სომხეთიდან რუსეთში ალუბლის, გარგრის, ქლიავის, ატმის, ნექტარინისა და ახალი ყურძნის შეტანას. პარალელურად შეჩერდება ამ პროდუქციის ტრანზიტიც ევრაზიული ეკონომიკური კავშირის სხვა წევრ ქვეყნებში.

შეზღუდვები ამოქმედდება მანამ, სანამ სომხეთი მიწოდებული პროდუქციის უსაფრთხოების სტანდარტების გარანტიის სათანადო მექანიზმს არ შეიმუშავებს. „როსელხოზნადზორი” ამ ნაბიჯს ფიტოსანიტარიული უსაფრთხოების მიზნით ახსნის.

სომხეთი ბოლო წლებში პროდუქციის ნაწილს ევროკავშირის ბაზარზე ავრცელებს, მათ შორის — ისეთი საქონელიც, რომელიც რუსეთის ბაზარზე წვდომის სასელო გამხდარა.