ოკუპირებულ ცხინვალის რეგიონში, ჯავის რაიონის სოფელ ძღუბირის მახლობლად, მდინარე ლიახვში 21 მაისს გადავარდნილი 52 წლის რუსი კინორეჟისორი ანა ტიცის ცხედარი მაშველებმა იპოვეს. ცხედარი შემთხვევის ადგილიდან დაახლოებით 35 კილომეტრში — მდინარის ქვემო წელში — გამოვიდა.

სამძებრო-სამაშველო ოპერაცია ტრაგედიის დღიდანვე დაიწყო და 200-მდე ადამიანი ჩაება.

ანა ტიცი ოკუპირებულ ცხინვალში გადამღებ ჯგუფთან ერთად ჩავიდა. ტრაგედიამდე ერთი დღით ადრე მან ადგილობრივ სამხედრო ვეტერანებთან ერთად წარადგინა დოკუმენტური ფილმი „სპეციალური სამხედრო ოპერაციის” — რუსეთის მიერ უკრაინაში გაჩაღებული ომის — მონაწილეთა შესახებ. ტრაგედიის მომდევნო დღეს ქალი ლიახვის სწრაფ დინებაში ჩაცვივდა.