ჩეხეთის რუსული მართლმადიდებელი ეკლესიის მიტროპოლიტი ილარიონი (ალფეევი) ნარკოდანაშაულის ბრალდებით დააკავეს. მის ავტომობილის საბარგულში თეთრი ნივთიერების შემცველი ოთხი პატარა კონტეინერი იპოვეს.

ილარიონის სასულიერო პირის Telegram-არხმა განაცხადა:

„მიტროპოლიტი ილარიონი კატეგორიულად უარყოფს აკრძალული ნივთიერებების უკანონო შენახვაში რაიმე მონაწილეობას და ინციდენტს პროვოკაციად მიიჩნევს.”

ილარიონი ყველა შესაძლო კავშირს ნარკოტიკებთან გამორიცხავს. მისი ადვოკატი, მიხალ პაცოვსკი, ამბობს, რომ „ავტომობილის გაჩერებისა და შემდგომი ჩხრეკის გარემოებები სერიოზულ კითხვებს ბადებს”.

კონტექსტი

2025 წლის ნოემბერში გავრცელდა ცნობები, რომ ჩეხეთი ილარიონისთვის სანქციების დაწესებას განიხილავდა — სავარაუდო კავშირის გამო რუსეთის სადაზვერვო სამსახურებთან. ჩეხეთში რუსეთის მართლმადიდებელი ეკლესია მოსკოვის საპატრიარქოს ექვემდებარება.

ილარიონი ადრე ბუდაპეშტ-უნგრეთის ეპარქიას ხელმძღვანელობდა. მის ეპარქიის მღვდლის სექსუალურ ძალადობაში დადანაშაულების შემდეგ, ის კარლოვი-ვარიში, წმ. პეტრესა და პავლეს ეკლესიაში გადაიყვანეს.

კავშირი საქართველოსთან

2026 წლის მარტში, ილია მეორის გასვენებაზე, ილარიონი საქართველოში ჩამოვიდა. „ხალხის ძალის” (ქართული ოცნების განყოფილება) დეპუტატმა დავით ქართველიშვილმა მაშინ ქება შეასხა ილარიონს, მათ შორის — „ნიჭიერი დიპლომატის” სახელწოდებით.