რუსეთის საგარეო საქმეთა სამინისტრომ სომხეთში აკრედიტებული ელჩი სერგეი კოპირკინი კონსულტაციებისთვის მოსკოვში გაიწვია. მიზეზად სომხეთის ხელმძღვანელობის ევროკავშირთან დაახლოებისკენ გადადგმული ნაბიჯები სახელდება.

„სომხეთის რესპუბლიკაში რუსეთის ფედერაციის ელჩი სერგეი კოპირკინი მოსკოვში დაიბარეს კონსულტაციებისთვის სომხეთის ხელმძღვანელობის ევროკავშირთან დაახლოებისკენ გადადგმულ ნაბიჯებთან დაკავშირებით, რომლებიც ევრაზიული ეკონომიკური კავშირის ფარგლებში თანამშრომლობას ზიანს აყენებს,” — ნათქვამია სამინისტროს განცხადებაში.

ასტანაში გამართული სამიტის შემდეგ ევრაზიული კავშირის წევრმა ქვეყნებმა — რუსეთმა, ბელარუსმა, ყაზახეთმა და ყირგიზეთმა — კავშირის კიდევ ერთ წევრს, სომხეთს, მოუწოდეს, ჩაატაროს რეფერენდუმი კითხვით: ევროკავშირი თუ ევრაზიული კავშირი?

სომხეთის პრემიერ-მინისტრი ნიკოლ ფაშინიანი არაერთხელ განაცხადა, რომ ქვეყანა ევროკავშირში გაწევრიანებისკენ ისწრაფვის. თებერვალში სომხეთის პარლამენტმა პირველი მოსმენით მიიღო კანონპროექტი კავშირში გაწევრიანების პროცესის დასაწყებად.

ვლადიმირ პუტინმა ადრე ხაზგასმით განაცხადა, რომ სომხეთს უფლება აქვს, აირჩიოს საკუთარი პარტნიორები, თუმცა ევროკავშირსა და ევრაზიულ კავშირში ერთდროულად ყოფნა შეუძლებელია.