მედიის მონაცემებით, შეერთებულმა შტატებმა უკრაინა „ორეშნიკის” დარტყმის საფრთხის შესახებ გააფრთხილა. „რბკ-უკრაინა” აღნიშნავს, რომ გამოქვეყნების მომენტში კიევში აშშ-ის საელჩოს ოფიციალური გაფრთხილება გავრცელებული არ ყოფილა.

პარასკევს უკრაინის საჰაერო ძალებმა გამოაქვეყნეს შეტყობინება: 24 საათის განმავლობაში „დიდი ალბათობით” რუსეთის ძალებმა შესაძლოა „კაპუსტინ-იარის” სამხედრო პოლიგონიდან საშუალო რადიუსის ბალისტიკური რაკეტა გამოიყენონ.

ომის დაწყებიდან რუსმა სამხედროებმა „ორეშნიკი” სამჯერ გამოიყენეს. ბოლო დარტყმა 24 მაისს განხორციელდა — სამიზნე იყო კიევის ოლქში მდებარე ბილა ცერკვა. პუტინმა შემდეგ განაცხადა, რომ „ფარდულს” დაარტყეს — „იარაღის მომავალი გამოყენების” საცდელად.