რუსეთმა 2026 წლის მაისში ნავთობის ექსპორტი ყველაზე მაღალ ნიშნულს გაზარდა 2022 წელს სრულმასშტაბიანი შეჭრის დაწყების შემდეგ. Bloomberg-ი ტანკერებით გადაზიდვის მონაცემებს ეყრდნობა.

ექსპორტის ზრდა სააგენტოს შეფასებით პირდაპირ უკავშირდება უკრაინის დარტყმებს რუსეთის ნავთობის გადამამუშავებელ საწარმოებზე. Reuters-ი მაისის ბოლოს წერდა, რომ ცენტრალურ რუსეთში თითქმის ყველა ქარხანას მოუწია წარმოების შეჩერება ან შემცირება — უკრაინის დრონებით განხორციელებული თავდასხმების გამო. ამ ვითარებაში რუსულ კომპანიებს გაურთულდათ ნედლი ნავთობის ადგილზე გადამუშავება და ისინი ნედლ ნავთობს საზღვარგარეთ ყიდიან.

ზღვაში ტანკერებზე დატვირთული რუსული ნავთობის მოცულობამ 124 მილიონ ბარელს მიაღწია; მეთვალყურეობის მონაცემებით, ეს ნავთობი გზაშია და ზღვაში გაჩერებული არ არის.

ინდოეთი რუსული ნავთობის ყველაზე აქტიური მყიდველია — მაისში ინდოეთმა რუსული ნედლი ნავთობის შესყიდვა 63%-ით გაზარდა თებერვლის მაჩვენებელთან შედარებით. ეს ხდება მაშინ, როცა აშშ-მ რუსეთის ნავთობზე დაწესებული ზოგიერთი შეზღუდვა შეამსუბუქა.

ახლო აღმოსავლეთში მიმდინარე კონფლიქტისა და გლობალური ნავთობის ფასების ზრდის ფონზე, 2026 წლის დასაწყისში კვირაში 1–1,2 მილიარდი დოლარიდან, მაისისთვის ეს მაჩვენებელი კვირაში 2–2,5 მილიარდ დოლარამდე გაიზარდა — Bloomberg-ის გამოთვლების თანახმად.