რუსეთმა კიევზე ღამით მასშტაბური სარაკეტო-დრონული შეტევა განახორციელა. ქალაქის სხვადასხვა უბანში სულ მცირე 10-ჯერ გაისმა აფეთქების ხმა. შეტევის შედეგად სამ ადგილზე გაჩნდა ხანძარი, დაზიანდა 40-ზე მეტი ობიექტი.

კიევის საქალაქო-სამხედრო ადმინისტრაციის ხელმძღვანელმა ტიმურ ტკაჩენკომ მოსახლეობას მიმართა: „დედაქალაქი მასშტაბური სარაკეტო დარტყმის ქვეშ მოექცა. მოსალოდნელია ისევ. დარჩით თავშესაფარში!”

დონეცკის რაიონში ცეცხლი სასახლო სახლის სახურავზე გაჩნდა და დაახლოებით 150 კვადრატული მეტრი მოიცვა. ასევე დაარტეს სკოლა, ბაზარი, ბიზნეს-ცენტრი და 9-სართულიანი საცხოვრებელი კორპუსი. სავარაუდოდ, ერთი ადამიანი დაიღუპა. დილის 8:00-ის მდგომარეობით, 28 დაშავებული საავადმყოფოში იყო გადაყვანილი, მათ შორის ორი ბავშვი — სამის მდგომარეობა მძიმეა. სულ 44-ზე მეტი ადამიანი დაშავდა.

შეტევა დრონებითა და რაკეტებით მთელი ღამის განმავლობაში გრძელდებოდა.

რუსეთმა უკრაინაში ომი 2022 წლის 24 თებერვალს დაიწყო. მას შემდეგ არაერთი დარტყმა მიიტანა სტრატეგიულ ობიექტებზე, საავადმყოფოებსა და საგანმანათლებლო დაწესებულებებზე. ომის პირველი დღეებიდანვე, უკრაინაში რამდენიმე ასეული ქართველი მოხალისე იბრძვის.