რუსეთის შეიარაღებულმა ძალებმა კიევის ოლქის ბროვარის რაიონში „იაგოტინსკი ბავშვებისთვის” სახელწოდების საკვები პროდუქტების გადამამუშავებელ ქარხანაზე დრონებით თავდასხმა განახორციელეს. შედეგად ოთხი ადამიანი დაიღუპა, შვიდი დაშავდა, ადმინისტრაციულ შენობაში ხანძარი გაჩნდა, ზოგიერთი ნაგებობა ნაწილობრივ განადგურდა.

უკრაინის პრეზიდენტი ვოლოდიმირ ზელენსკი ამ ინციდენტს სოციალურ ქსელში გამოეხმაურა და განაცხადა, რომ „ბავშვებისთვის” ქარხანა „რუსეთის ბოლო დღეების გამარჯვებათა სიაში” მოხვდა.

„ამავე სიაში შედის დნიპროს საკვებ პროდუქტთა საწყობები, ხერსონის სასწრაფო მანქანა, სუმის სკოლა, ოდესის სასპორტო ობიექტი და ხარკოვის სა­ოჯახო კლინიკა. რუსეთი სიცოცხლის წინააღმდეგ ომს აგრძელებს”, — წერს ზელენსკი.

ზელენსკიმ ასევე მოუწოდა საერთაშორისო პარტნიორებს, გაამყარონ ძალისხმევა რუსეთის იძულების მიზნით, „შეწყვიტოს ომი დიპლომატიის გზით”.