გუშინ ღამე რუსეთმა უკრაინაზე 300-ზე მეტი შეტევითი დრონი გაუშვა. ყველაზე მძიმე შეტევები ოდესის ოლქს, ხერსონს, ხარკოვს, ასევე ზაპოროჟიისა და დნეპროპეტროვსკის ოლქებს დაატყდა.

ოდესის ოლქის ისმაილში ხუთსართულიანი საცხოვრებელი შენობა დაზიანდა. ნავსადგურის ინფრასტრუქტურა დაბომბეს — 20 000-ზე მეტი სახლი დენის გარეშე დარჩა. მეზობელ ბოლგრადშიც სარაკეტო დარტყმა განხორციელდა.

ხერსონში ერთი ადამიანი დაიღუპა, 23 კი — დაიჭრა. ხარკოვში 3 ადამიანი დაშავდა; ქალაქის სამი მეტროსადგურის შესასვლელი დაზიანდა. ასევე დაბომბეს ზაპოროჟიისა და დნეპროპეტროვსკის ოლქები.