უკრაინის პრეზიდენტი ვოლოდიმირ ზელენსკი ამბობს, რომ ქვეყნის სამხედრო დაზვერვამ მოიპოვა დოკუმენტები, რომლებიც ახალ სარაკეტო-სადრონო შეტევებს ადასტურებს. ეს ინფორმაცია ზელენსკიმ სოციალურ ქსელში გაავრცელა.

„უკრაინის თავდაცვის დაზვერვის სპეციალისტებმა მოიპოვეს დოკუმენტები, რომლებიც მიუთითებს, რომ რუსეთი ამზადებს ახალ სარაკეტო და სადრონო დარტყმებს. სამიზნეებს შორის — თითქმის ოცი პოლიტიკური ცენტრი და სამხედრო სამეთაურო პუნქტი. რა თქმა უნდა, ჩვენ ეს ინფორმაცია გავითვალისწინეთ. რუსეთმა უნდა დაასრულოს ომი, ნაცვლად იმისა, რომ უკრაინის დასაშინებლად ახალი გზები ეძებოს. დიდება უკრაინას!” — წერს ზელენსკი.

ზელენსკის პოსტს მიბმული სატელიტური ფოტოები 6 მაისით არის დათარიღებული. სავარაუდო სამიზნეებს შორის ნახსენებია: საპრეზიდენტო ადმინისტრაციის კომპლექსი, პრეზიდენტის სახელმწიფო სარეზიდენციო სახლი და კიევის ცენტრში მდებარე მიწისქვეშა სპეცნაგებობები.

ზელენსკიმ ასევე ხაზი გაუსვა, რომ „უკრაინა, განსხვავებით რუსეთისგან, ხალხის ნებაზე დგას — და ხალხს ვერ დაამარცხებ.”