„დამკვირვებელთა უმეტესობისთვის, და ვიტყოდი — თავად რუსეთშიც ზოგიერთისთვის — უკრაინაში შეჭრა სტრატეგიული კატასტროფა აღმოჩნდა,” — განაცხადა აშშ-ის სახელმწიფო მდივანმა მარკო რუბიომ სენატში გამართულ მოსმენაზე.

რუბიოს შეფასებით, რუსეთი ვეღარ მიაღწევს ომის პირველ დღეს დასახულ მიზნებს და, შესაძლოა, ვერც მოლაპარაკებებზე გამოცხადებული მოთხოვნების სამხედრო გზით განხორციელება შეძლოს.

„ჩვენი ხედვით, ამ ომს სამხედრო გადაწყვეტა ვერ ექნება. ის მოლაპარაკებებით მიღწეული შეთანხმებით უნდა დასრულდეს. სამწუხაროდ, ბოლო თვეებში მოლაპარაკებები სხვადასხვა მიზეზის გამო ჩიხში შევიდა.”

მდივანმა ასევე გამოყო უკრაინის ბოლოდროინდელი წარმატებები: „გასული თვის განმავლობაში უკრაინელებმა ბრძოლის ველზე გარკვეულ მიღწევებს მიაღწიეს. რუსები დღეში ხუთ ათასამდე ადამიანს კარგავენ — არა დაჭრილს, არამედ დაღუპულს. ფაქტობრივად, ეს ერთ-ერთი პირველი კონფლიქტია ისტორიაში, სადაც სიკვდილიანობის მაჩვენებელი დაჭრილების მაჩვენებელს აღემატება.”

„ჩვენი როლია — თუ გზა არსებობს, ეს ყველაფერი სამშვიდობო შეთანხმებით დასრულდეს. საბოლოოდ ომი სწორედ მოლაპარაკებებით დასრულდება. მხარეთა მოთხოვნები ამ დრომდე ძალიან შორს დგას ერთმანეთისგან,” — დასძინა რუბიომ.