აკი რონალდოს გოლის გატანა დაავიწყდაო - პორტუგალიამ უზბეკეთს უპრობლემოდ მოუგო15:01/23-06-2026+-მსოფლიო ჩემპიონატის მეორე ტურში, K ჯგუფში პორტუგალიამ უზბეკეთი 5:0 დაამარცხა და ამ მომენტისთვის 4 ქულით ლიდერია. 

პორტუგალიელები თავიდანვე შტურმზე გადავიდნენ და მეტოქის კარი რონალდომ დალაშქრა. მას აქამდე მსიოფლიოსა და ევროპის პირველობებზე ზედიზედ 10 მატჩში  არ ჰქონდა გატანილი. შემდეგ საჯარიმოდან მენდეშმა ანგარიში გაზარდა. უზბეკი განიევის გოლი თამაშის წესების დარღვევის გამო არ ჩაითვალა. კრიშტიანომ კი დუბლი შეასრულა. საბოლოოდ მარტინესის გუნდმა დამაჯერებელი გამარჯვება, 5:0 მოიპოვა. 

ამავე ჯგუფში 24 ივნისს ერთმანეთს კოლუმბია და დ.რ. კონგო შეხვდებიან.

28 ივნისს, ბოლო მესამე ტურში კოლუმბია პორტუგალიას, ხოლო დ.რ. კონგო უზბეკეთს დაუპირისპირდება.

ჰიუსტონი. „ენ-არ-ჯი სთედიუმი“ პორტუგალია - უზბეკეთი 5:0 გოლები: 1:0 რონალდო (6), 2:0 მენდეში (17), 3:0 რონალდო (39), 4:0 ნემატოვი (60, საკ. კარში), 5:0 ლეაო (87)

• რონალდო პირველი ფეხბურთელია, რომელმაც 6 მუნდიალზე გაიტანა გოლი. 
• რონალდომ მსოფლიო ჩემპიონატებზე მე-10 გოლი გაიტანა და ამ მაჩვენებლით პორტუგალიის ნაკრების რეკორდსმენი გახდა. 
• რონალდოს ანგარიშზე ეროვნულ გუნდში 145 გოლია - კარიერაში 975.
• რონალდო მსოფლიო ჩემპიონატებზე დუბლის შემსრულებელი ყველაზე ასაკოვანი ფეხბურთელი გახდა.
• მსოფლიო ჩემპიონატებზე რონალდოს პირველ და ბოლო გოლს შორის 20 წელი და 11 დღეა.თეგები:პორტუგალიის ნაკრებიუზბეკეთის ნაკრები(2) / (0)კომენტარები0კომენტარი ჯერ არ გაკეთებულა დაამატე კომენტარი თქვენი კომენტარი მიღებულიაასევე დაგაინტერესებთ