ქართულმა მთავრობამ შპს „ქართულ ცემენტს” — დედოფლისწყაროს მუნიციპალიტეტში მდებარე საფლუსეს კირქვების საბადოზე — საცემენტე კირქვის მოპოვების ლიცენზია 2047 წლამდე გაუხანგრძლივა. ახალი ვადა 2027 წლის 15 თებერვლიდან 20 წლით ვრცელდება.

შპს „ქართული ცემენტის” მეწილეებია ბიძინა ივანიშვილის თანაინვესტირების ფონდი და ირაკლი რუხაძის მიერ დაფუძნებული Hunnewel Partners. კომპანიამ ეს ლიცენზია 2012 წლის აგვისტოში მიიღო.

ლიცენზიის გახანგრძლივებასთან ერთად, მთავრობის განკარგულება კომპანიას კონკრეტულ ვალდებულებებსაც აკისრებს: ლიცენზიის გაგრძელებიდან 3 წლის განმავლობაში „ქართულ ცემენტს” მინიმუმ 100 000 ლარი უნდა დახარჯოს სასარგებლო წიაღისეულის რესურსის შესწავლასა და მარაგების გამოთვლაზე, შემდეგ კი შეფასება შესაბამის სამთავრობო უწყებას წარუდგინოს.