რუსეთის სახელმწიფო საზოგადოებრივი აზრის კვლევითი ცენტრი ВЦИОМ-მა გამოკითხვის მეთოდოლოგია შეცვალა. ამის შემდეგ გამოქვეყნებული მაჩვენებლებით, პრეზიდენტ ვლადიმირ პუტინის რეიტინგი 7-კვირიანი შეუჩერებელი კლების შემდეგ გაიზარდა.

ВЦИОМ-ის მონაცემებით, 4-10 მაისის გამოკითხვაში გამოკითხულთა 66.8%-მა დადებითად შეაფასა პუტინის პრეზიდენტობა — 1.2 პუნქტით მეტი, ვიდრე წინა კვირაში. ნდობა 72.1%-ს შეადგენს.

ამასთან, ВЦИОМ-მა განაცხადა, რომ ახლიდან გამოკითხვა მხოლოდ ტელეფონით კი არ ჩატარდება, არამედ კარდაკარ გამოკითხვის საშუალებითაც.

„მხოლოდ სატელეფონო გამოკითხვები აღარ იძლევა მაღალი ხარისხის საარჩევნო პროგნოზირებისთვის საჭირო სრულ სურათს,” — განაცხადა ცენტრის პოლიტიკური კვლევების დირექტორმა.

ВЦИОМ-ის გამოქვეყნებულ სიაში 2-კვირიანი ჩამონათვალი არ ყოფილა. კრემლთან ასოცირებული ФОМ-ის მონაცემებმაც პუტინის რეიტინგი 73%-დან 75%-მდე ზრდა დაადასტურა. ამ სააგენტომ ასევე გასული პარასკევის გამოქვეყნება ჩაშალა, მიზეზად „უქმე დღეები” დაასახელა.