„ბრძოლის ველზე არსებული სიტუაციის ანალიზი საშუალებას გვაძლევს ვთქვათ, რომ უკრაინაში კონფლიქტი დასასრულს უახლოვდება,” — განაცხადა რუსეთის პრეზიდენტმა ვლადიმერ პუტინმა ყაზახეთში სახელმწიფო ვიზიტის შედეგების შეჯამების პრესკონფერენციაზე. დასძინა, რომ „ჩვენი ჯარები ყველა მიმართულებით წინ მიდიან.”

ამავდროულად, ომის დასრულების კონკრეტული ვადების სახელდებაზე პუტინმა უარი თქვა: „ეს წინდაუხედავი ნაბიჯი იქნებოდა, ასეთ რამეს ომის მიმდინარეობისას თითქმის არასდროს აკეთებენ.”

მოლაპარაკებებზე პუტინი ამბობს, რომ მათ მხრიდან მათ „არასდროს” ითქვა უარი: „გარკვეული კონტაქტები ნარჩუნდება, მაგრამ სრულფასოვანი მოლაპარაკებები, როგორც ასეთი, ამჟამად არ მიმდინარეობს.”

უკრაინაში კონფლიქტის გამომწვევ მიზეზად პუტინმა ევროპული პოლიტიკა დაასახელა: „ტრაგედია, რაც უკრაინაში ხდება, სწორედ ევროპული ქვეყნების პოლიტიკის შედეგია — სწორედ მათ მიიყვანეს საქმე 2014 წელს კიევში სახელმწიფო გადატრიალებამდე.”