ჩემპიონთა ლიგის ფინალში PSG-ის გამარჯვების შემდეგ პარიზის ქუჩებში ათასობით გულშემატკივარი გამოვიდა, ნაწილმა კი არეულობა დაიწყო. BBC-ის ცნობით, 416 ადამიანი დააკავეს — მათ შორის 280 პარიზში. არეულობის შეჩერების მიზნით ათასობით პოლიციელი მობილიზდა, რამაც ავტობუსების, მატარებლებისა და რკინიგზის მოძრაობა შეაფერხა.

გავრცელებულ კადრებში ჩანს, როგორ აფეთქებდნენ გულშემატკივრები პიროტექნიკას, ამსხვრევდნენ მაღაზიის ვიტრინებს და წვავდნენ ელექტროველოსიპედებს. ქალაქის ცენტრში შეკრებილი ბრბოს დასაშლელად პოლიციამ ცრემლმდენი გაზი გამოიყენა. დაზიანდა ექვსი ავტომობილი, ორი ბიზნეს ობიექტი და ავტობუსის გაჩერება; დაშავდა რამდენიმე პოლიციელი.

PSG-მ ბუქარესტის ფინალში „არსენალი” 11-მეტრიანების სერიით 4:3-ით დაამარცხა (ძირითადი და დამატებითი დრო 1:1) და ჩემპიონთა ლიგა ზედიზედ მეორედ მოიგო.