ოპოზიციონერ პოლიტიკოსს, ევროინტეგრაციის საკითხებში ყოფილ სახელმწიფო მინისტრს ალექსი პეტრიაშვილს 14 მაისს სამდღიანი ადმინისტრაციული პატიმრობა შეეფარდა. შსს მას 17 დეკემბრის აქციაზე ტროტუარზე დგომას ედავებოდა.

ყოფილი საგარეო საქმეთა მინისტრი მიხეილ (პაპუნა) ჯანელიძე ამ ფაქტს სოციალურ ქსელში ეხმაურება:

„ალექსი პეტრიაშვილი ტროტუარზე დგომისთვის დააკავეს, სტუდენტებს იგივე მიზეზით აკავებენ და საზოგადოების უდიდესი ნაწილი დუმილით ხვდება ამ ფაქტებს — თითქოს შეეგუა. ეს შიშთან შეგუებაა. „ქართული ოცნება” მეთოდურად და სწრაფი ნაბიჯით აგრძელებს შიშის დანერგვას. ეს შიში კი საზოგადოებას გაანადგურებს, თუ საზოგადოება არ გამოფხიზლდა.”

ჯანელიძე ამბობს, რომ პოლიტიკური გემოვნების მიუხედავად, ყველა, ვინც ამ შიშს შეგუებაზე უარს ამბობს, „უნდა გაერთიანდეს.”

ალექსი პეტრიაშვილი 2012–2014 წლებში სახელმწიფო მინისტრის პოსტს იკავებდა ევროპულ და ევროატლანტიკურ სტრუქტურებში ინტეგრაციის საკითხებში. მანამდე ის საქართველოს ელჩი იყო თურქმენეთსა და ავღანეთში. პაპუნა ჯანელიძე 2015–2018 წლებში საქართველოს საგარეო საქმეთა მინისტრი იყო.