მადრიდის „რეალის” პრეზიდენტმა ფლორენტინო პერესმა 4 ივნისს საღამოს პრესკონფერენციაზე განაცხადა, რომ სამშაბათს, 9 ივნისს, 150 მილიონ ევრო ღირებულების ტრანსფერულ შეთავაზებას გააკეთებს.

„მომავალ კვირას გავაკეთებ შეთავაზებას უდიდეს სუპერვარსკვლავზე. ის კრიშტიანო რონალდუს ტიპის სუპერვარსკვლავია — ხალხი ვერ დაიჯერებს. ეს არ არის ოლისე, არ არის ჰოლანდი, არ არის კეინი, არ არის დოკუ. მადრიდისტებო, მოემზადეთ სამშაბათისთვის — მე არასოდეს გიცრუებთ იმედებს,” — განაცხადა პერესმა.

ტრანსფერული ბაზრის ავტორიტეტული წყარო ფაბრიციო რომანო მიუთითებს, რომ პერესის სიტყვები PSG-ს ფეხბურთელს ეხება. რომანოს ინფორმაციით, „რეალი” ბოლო პერიოდში ხვიჩა კვარაცხელიას, ჟოაო ნევეშისა და ვიტინიას შეძენით ინტერესდებოდა. კვარა და ვიტინია PSG-ს 2029 წლამდე, ნევეში კი 2030 წლამდე უკავშირდება.

ჩემპიონთა ლიგის ახლახო მოგებული PSG-სგან სუპერვარსკვლავის გამოსყიდვა 150 მილიონ ევროდ გულისხმობს მძლავრი კონკურენციის გადალახვას — პარიზელი კლუბი ვარსკვლავის გაშვებაზე ადვილად არ დათანხმდება.