22 მაისს ტრამპის ადმინისტრაციამ ამოუცნობი საფრენი ობიექტების (UFO) შესახებ 46 ახალი ჩანაწერი გამოაქვეყნა. მათ შორისაა ვიდეო, სადაც F-16-ის ამერიკული გამანადგურებელი ჰურონის ტბის თავზე, მიჩიგანში, იდუმალ ობიექტს ანადგურებს.

პენტაგონის მიერ გავრცელებულ კადრებში ინფრაწითელი კამერა აფიქსირებს, თუ როგორ ეხვდება კინეტიკური იარაღი — სავარაუდოდ, რაკეტა — მრგვალი ფორმის, დაკბილული კუდის მქონე მცირე ზომის აპარატს. მოხვედრის შემდეგ ობიექტი ძლიერი აფეთქებით ფრაგმენტებად იფანტება.

პენტაგონის ოფიციალური აღწერა ამ ეპიზოდს ასე ახასიათებს: „კადრებში ასახულია ორ განსხვავებულ არეს შორის კინეტიკური ურთიერთქმედება, რის შედეგადაც ხდება ობიექტის ფრაგმენტიზება რადიალური გადაადგილების ტრაექტორიით — ეს მაღალენერგეტიკულ მოვლენაზე მიანიშნებს.” სხვა დეტალები ფაილს თან არ ახლავს.

ეს ვიდეო ერთ-ერთია იმ 46 ჩანაწერიდან, რომელიც პრეზიდენტის განკარგულებით შექმნილმა UFO-ს ფაილების გასაჯაროების კომიტეტმა გამოაქვეყნა.