ბათუმის ციხიდან ვივამედის კლინიკაში გადმოყვანილი 29 წლის ნოდარ ტატუნაშვილი კომაში ჩავარდა. ოჯახი ამბობს, რომ კლინიკაში შეყვანიდან ერთი კვირის შემდეგ მოხდა ეს — და მას შემდეგ ამ დრომდე მისი ჯანმრთელობის შესახებ ინფორმაცია მათ არ მიეწოდათ. ოჯახი კლინიკას გულგრილობასა და არასწორ მკურნალობაში ადანაშაულებს. ინფორმაციას Tv პირველი ავრცელებს.

ტატუნაშვილმა პროტესტის უკიდურეს ფორმას ბათუმის ციხიდან თბილისში გადმოყვანის მოთხოვნის გამო მიმართა.

პატიმრის დედა ამბობს: „გვერდით პალატაში ვიდექი, ვიდექი ფანჯარასთან — ვხვდებოდი, რომ ჩემი შვილი იქ იწვა. ექიმი გამოვიდა, ერთი სიტყვა არ მითხრა, ცოცხალია თუ არა.”

ოჯახის წევრი დამატებით განმარტავს: „ვითხოვთ მხოლოდ ერთ პასუხს — ცოცხალია თუ არა. შეჰყავთ 5%-იანი გლუკოზა, ქალბატონი ექიმი თამარ დავარაშვილი მუშაობას 5 საათზე ამთავრებს და მიდის — პაციენტს წნევა ვარდება, რეანიმაციაში გადაყვანა სჭირდება. გუშინდელი მდგომარეობით ღვიძლმა დაიწყო ორგანოების შეჭმა, ტვინის მდგომარეობა ცუდია. ძალიან მძიმე სიტუაციაა.”