სომხეთის პრემიერ-მინისტრმა ნიკოლ ფაშინიანმა 11 მაისს უარი თქვა ევრაზიული ეკონომიკური კავშირის წევრობის საკითხზე რეფერენდუმის ჩატარებაზე. „სანამ ამის აუცილებლობა არ წარმოიშობა, ჩვენ ასეთ საკითხს არ დავაყენებთ,” — განაცხადა ფაშინიანმა და დასძინა, რომ რეფერენდუმი მხოლოდ „ობიექტური საჭიროების” შემთხვევაში ჩატარდება. „ევრაზიული ეკონომიკური კავშირიდან გასვლის ობიექტური აუცილებლობა უბრალოდ არ არსებობს”, — განაცხადა მან.

ერთი დღით ადრე, 10 მაისს, რუსეთის პრეზიდენტმა ვლადიმირ პუტინმა განაცხადა, რომ „ლოგიკური იქნებოდა”, სომხეთის ხელისუფლებამ ჩაეტარებინა რეფერენდუმი ევროკავშირში გაწევრიანების ან ევრაზიულ კავშირში დარჩენის შესახებ. „ჩვენ შესაბამის დასკვნებს გავაკეთებდით და წავიდოდით რბილი, ინტელიგენტური და ურთიერთსასარგებლო განქორწინების გზით,” — თქვა მან. ასტანაში 2026 წლის მაისში დაგეგმილ ევრაზიული კავშირის სამიტს პუტინი არ დაესწრება.

ფაშინიანმა „განქორწინების” ტერმინსაც უპასუხა: „მე არ ვეთანხმები ტერმინ განქორწინებას. ქორწინებასა და სახელმწიფოთაშორის ურთიერთობებს ვერ გავუთანაბრებ.”

სომხეთი ათწლეულების განმავლობაში რუსეთის მოკავშირე იყო. ნიკოლ ფაშინიანის პრემიერობის პერიოდში, განსაკუთრებით ყარაბაღის მეორე ომის შემდეგ, ერევანი დასავლეთთან დაახლოების კურსს ადგება.