პარლამენტის სპიკერი შალვა პაპუაშვილი ბრიუსელისა და ზოგიერთი სახელმწიფოს გამოყენებულ ჩვეულ ენას — „ქართველ ხალხს ვუჭერთ მხარს” — ქვეყნის ღრმა დამცირებად ახასიათებს.

„ეს ტერმინოლოგიური ფორმულირება ყველაზე დიდი დამცირებაა საქართველოსი, რომელსაც ალბათ საბჭოთა კავშირის დროს თუ გვაყენებდნენ ან მე-19 საუკუნეში. საქართველო არ არის პირველყოფილი თემური წყობილება, სადაც ადამიანები ცხოვრობენ ყოველგვარი ფორმისა და სახელმწიფოებრიობის გარეშე. საქართველო სახელმწიფოა — თავისი საზღვრებით, კონსტიტუციითა და ინსტიტუტებით,” — განაცხადა პაპუაშვილმა.

მისი სიტყვით, პატივისცემა გულისხმობს, პირველ რიგში, საქართველოს სახელმწიფოს პატივისცემას. „ქართველ ხალხზე” ლაპარაკი, ამ კონტექსტში, კოლონიალისტური ცნობიერებიდან მომდინარეობს — ვითომ ქვეყანაში მხოლოდ „რაღაც ხალხები” ცხოვრობენ, სახელმწიფო კი არარსებობს.

პაპუაშვილი ამ განცხადებით გამოეხმაურა გერმანიის ელჩ პეტერ ფიშერის ინტერვიუს, რომელშიც ელჩმა საქართველოს სამი სცენარი — ევრო-ინტეგრაცია, გეოპოლიტიკური ნეიტრალიტეტი ან სამოქალაქო სივრცის შეკვეცა — სახელი ახსენა.