„ქართული ოცნების“ პარლამენტის თავმჯდომარე შალვა პაპუაშვილი 7-8 ივლისს ბელგრადში ევროკავშირის წევრობის კანდიდატი ქვეყნების პარლამენტების თავმჯდომარეთა საინაუგურაციო კონფერენციას დაესწრო. სერბეთის ეროვნული ასამბლეისა და უკრაინის ვერხოვნა რადას მიერ ინიცირებული კონფერენცია ევროკავშირის კანდიდატ ქვეყნებს შორის საპარლამენტო თანამშრომლობის გაძლიერებისკენ მიმართული ახალი პლატფორმის შექმნის მაუწყებელია.

ორდღიანი ღონისძიება ბელგრადის დეკლარაციის მიღებით დასრულდა, რომელშიც საკანონმდებლო ორგანოების ხელმძღვანელებმა კიდევ ერთხელ დაადასტურეს თავიანთი ქვეყნების „ევროპული პერსპექტივისადმი“ ერთგულება და მხარდაჭერა გამოხატეს უფრო ძლიერი „პარლამენტთაშორისი თანამშრომლობის“, „გამოცდილებისა და საუკეთესო პრაქტიკის გაცვლისა“ და ევროკავშირში გაწევრიანებასთან დაკავშირებულ საკითხებზე „რეგულარული კონსულტაციების“ გამართვის მიმართ. ისინი ასევე შეთანხმდნენ, რომ შემდეგი ყოველწლიური შეხვედრა 2027 წელს მოლდოვაში გამართონ.