პაკისტანის ინფორმაციის მინისტრის, ატაულაჰ თარარის მიხედვით, პაკისტანის უსაფრთხოების ძალებმა ავღანეთთან საზღვარზე სახმელეთო ოპერაციის ფარგლებში ტერორისტების სამალავებზე იერიში მიიტანეს, რის შედეგადაც 29 ტერორისტი მოკლეს. 

თარარის თქმით, ოპერაცია ქვეყანაში ბოლოდროინდელი ტერორისტული თავდასხმების პასუხად ჩაატარეს. 

27 ივნისს ტერორისტები ქალაქ კარაჩიში პარამილიტარული ორგანიზაციის, “პაკისტანის რეინჯერების” რეგიონულ შტაბს დაესხნენ, რასაც 3 ჯარისკაცი ემსხვერპლა. თავდასხმაზე პასუხისმგებლობა ტერორისტულმა ორგანიზაციამ, ჯამაათ-ულ-აჰრარმა აიღო. 

პაკისტანი ავღანეთს ტერორისტული ჯგუფის, პაკისტანის თალიბანის მფარველობაში ადანაშაულებს .